5 NGA MGA TEORYA SA KONSPIRASYA NGA MAKAINGON KA'G "UNSA?!!"

Ang mga tawo ganahan nga manglibak ug motuo sa dili tinuod nga mga istorya sa mga panagkunsabo! Kung ikaw usa ka manonoo sa mga konspirasya, susiha kining 5 sa labing katingad-an nga mga teorya! TEORYA SA SIMULASYON Nakadungog ka ba sa salida nga gitawag og The Matrix? Ang The Matrix usa ka sci-fi action thriller nga pelikula gikan sa 1999 , nagsunod ang salida sa usa ka night hacker nga ginganlag Neo. Ginakwestyun ni Neo ang realidad. Alerto sa Spoiler! Natubag ang tanang pangutana ni Neo ug nadiskobrehan nga siya anaa sa usa ka simulation.

larawan gikan sa MemeCenter

Kini nga teorya gipetsahan balik sa ika-17 nga siglo sa pilosopo nga si René Descartes. Hangtod karung modernong panahon, may pipila ka mga teorista nga nagtuo nga kita nagpuyo sa usa ka simulation, sama sa usa ka dula. Ang ubang mga tawo nag-ambit og mga katingad-an nga mga pagpamatuod nga nga sila nakasinati og mga glitches o mga pagkarat-karat sama sa 'The Matrix'. Sumala sa Simulation Hypothesis/Theory, ang 'realidad' nga atong nasinati karon kay usa ka computer simulation nga gihimo sa mga naay mas taas nga intelihensya. Sa dihang gipangutana si Richard J. Terrile- usa ka siyentista sa NASA kung kinsa o unsa kining naay mas taas nga salabutan, siya miingon, Our future selves.”( "Ang atong mga kaugalingon sa umaabot nga panahon ." )

Ang Simulation Theory gisuportahan sa CEO sa Tesla nga si Elon Musk.

“If you assume any rate of improvement at all, games will be eventually be indistinguishable from reality.---that it’s most likely we’re in a simulation.” ("Kung imong gihunahuna ang bisan unsang pag-uswag, ang mga dula sa kompyuter kay dili mailhan gikan sa realidad.---nga lagmit naa kita sa usa ka simulation.")-Miingon si Musk sa podcast kauban si Joe Rogan kaniadtong 2018.

BRITISH ROYAL FAMILY SURROGACY Kini usa ka dakong tsismis!(☉｡☉)! Sa dihang si Kate Middleton---Duchess of Cambridge ug Meghan Markle--Duchess of Sussex namabdos, ang mga tawo nangangkon nga migamit sila og mga surrogate nga mga inahan sa para magsabak sa mga bata. Gi-report sa mga teorista nga ang duha ka mga babaye wala gyud nagmabdos, nagsul-ob lamang og mga peke nga bumps, ug nagsuhol ug mga surrogates aron magburos sa mga bata para sa Royal Family. Kini nga mga ispikulasyon mitumaw sa panahong si Kate Middleton gwapa kaayo tan-awon human sa pagpanganak kay Princess Charlotte.

Larawan gikan sa Memes Monkey WALT DISNEY literal nga---FROZEN

Bisan mismo na sa pamilya sa namatay nga si Walt Disney ang nag ingon nga DILI cryogenically frozen ubos sa Disneyland ang patayng lawas ni Walt Disney. Usa ka reporter niadtong 1967 misulod sa St. Joseph Hospital sa Burbank ug nakakita sa giingong lawas ni Walt Disney sa usa ka cryogenic metal cylinder. Kini ang pagbutyag ni Howard Markel

. Ang matud nga teorya nagsugod pag-usab ug kalat sa dihang gipagawas ang salida sa 'Frozen' niadtong 2013. Ang titulo nga 'Frozen' gituyo aron kuno sa pagdani sa mga tawo mahitungod sa cryo-sleep ni Walt Disney human sa iyang kamatayon niadtong 1966. Matud pa sa mga teorista, tunawon lamang ang frozen nga lawas ni Walt Disney kung naa nay mga adbans nga teknolohiya nga makapaayo sa iyang mga sakit Kini nga teorya angay i-animate sa ilawom sa Disney!

COVID-19 THEORIES

Sa pagsugod sa pandemya, adunay daghang mga teorya ang naglibot sa COVID-19. Kini nga mga teorya init nga gi-diskusyon sa social media sa tibuuk kalibutan. Nagsugod ang tanan sa dihang ang mga tawo nagtuo nga ang COVID-19 usa ka bahin sa pamaagi sa media aron makontrol ang populasyon. Ang teorya nagsanga sa istorya nga 5G network ang hinungdan sa COVID-19 nga virus nga miresulta sa pagkasunog sa mga cell tower sa United Kingdom. Sa diha nga ang mga bakuna sa COVID-19 nagsugod sa paglansad, ang mga teorista nag-ingon nga ang mga bakuna adunay mga microchip nga na-install sa matag panaksan. Ug, bisan sa mga siyentipikong pagtuon nga naa sa online, ang uban nag-ingon nga ang COVID-19 wala gyud nahitabo. Aw—sigurado, kini nga mga teoriya mao ang labing maayong mga pananglitan sa sayop nga impormasyon ug peke nga balita.

hulagway gikan sa KnowYourMeme THE WORLD ENDED IN 2012 ug CERN Tingali wala pa nato kini mahibal-an apan, ang uban nag-angkon nga ang kalibutan natapos na niadtung 2012. Oo! 9 ka tuig ang milabay, ang mga teorista nag-angkon nga ang kalibutan gisuyop sa usa ka dako nga itom nga lungag. Nahitabo kini sa dihang ang Higgs Boson AKA 'God Particle' nadiskobrehan niadtong 2012 sa Large Hadron Collider sa CERN. Ang pangutana, kung tinoog man gyud ni. Nganong buhi pa man ta? Kana—wala ko kahibalo.

hulagway gikan sa Know Your MemeCERN (Conseil Européen pour la Recherche Nucléaire o European Organization for Nuclear Research) ang kinadak-ang laboratoryo sa pisika sa partikulo sa kalibotan. Tungod kay ang establisyimento adunay daghang kahibalo, ang CERN mao usab ang sentro sa pipila ka mga teorya sa panagkunsabo. Ang uban nag-angkon nga ang CERN nag-eksperimento sa pag-abli sa mga ganghaan sa Impiyerno o nagtawag sa diyos, si Shiva--- ang estatwa nga gipatindog sa gawas sa pasilidad. Ang uban pang mga teorya miingon nga ang CERN nagtuon sa pagbiyahe sa oras ug adunay awtoridad sa pag-access sa mga timeline sa lainlaing mga panahon. Kung nagtuon gyud ang CERN sa pagbiyahe sa oras, ka choy!

imahe gikan sa iFunny

Bisan unsa nga mga teorya sa panagkunsabo ang iapil, sigurado, miabot ka punto nga makakatawa ka nalang. ¯\_(ツ)_/¯