PODCAST: BISAYA

image from istock

CLICK THE BUTTON TO PROCEED>>>>>>

LISTEN HERE!

TOPIC: MGA KATINGALAHNAG MGA TEORYA NGA MAKA-INGON GYUD KA UG "HA?!!!"

======================================================================

TAGAY SERYE : MGA TEORYA SA KONSPIRASIYA NGA MAKAINGON KAG “UNSA??”

Zairra: Maayong adlaw kanatong tanan. Hilabihan sa mga gwapog gwapa namo nga mga tig paminaw. Ania nasad kita sa atung kada-semanang panagtigom. Ako ang inyong naunang ka-tagay , Zairra.

Chrishia: Ako si Chrishia, ang inyong pinaka cute nga ka-tagay.

Kryzel: Og ako sad si Kryzel, ang inyong pinaka-gwapa nga tagay. Kini ang,

Zairra, Chrishia og Kryzel: TAGAY SERYE

Zairra: Mga ka-tagay atuang panag-istoryahan karung adlawa kay mga konspirasiya nga dili ka ka tuo. Mga istorya nga murag botbot nga dili, pero botbot gyud. 

Chrishia: Mao, maong paminaw mo mga ka Tagay, mas chada pani sa chismis ni Marites og 

Kryzel: Sakto. Kani nga mga istorya kay grabe kaayu ka Amazing nga mag- huna huna gyud kung tinood ba gyud kini kay naay mga testemonya sa mga tao nga nagapamatuod nga tinood kini. 

Zairra: Ako mag una mga ka-tagay no? Ang akoang istorya kay mahitungod sa TEORYA SA SIMULATION. Unsa ang Teorya sa Simulation. Mga ka-tagay ang Teorya sa simulation kay murag video-games.

Chrishia: Weh? Video games gyud?

Zairra: Oo. Gikan gyud sa video games. Mao nang ang Simulasyon tawag mga ka-tagay. Kamo Chrishia ug Kryzel, isip mga gamer unsa may inyung maingon sa mga video games karun?

Chrishia: lahi ra jud ang mga video games karon mga ka tagay noh. Ang video games karon kay maka lingaw og mas maka adik tungod sa mga pakulo og ma excite ka sa mga challenge sa dula. Lahi ra imoha ma imagine, pag magdula bitaw ko akoa bitaw gaka feel kay murag ako tong hero. Ma dala man jud ka bay. Labi nana imoha e control and hero nah. Pati pud ko akoa lawas mag lihok. 

Kryzel: ah grabe na jud na ka-tagay Chrishia! Pero tinuod jud noh, makaadik jud kay bisan gani ako og lose streak na gani murag madaot na sad jud ako tibuok adlaw!

Zairra : Ang teorya sa simulation kay parehas ra sa video games. Ang ‘realidad’ nga atung nasinati karon kay usa aka kompyuter simulation nga gihimo sa mga tao o butang nga naay mas taas nga intelehensiya. 

Kryzel: Dawbe? Kinsa lugar kanang mga ignon nga mga brayt kaayu nga tao o butang ba ka ha?

Zairra : Ana si Richard Terrile, usa ka NASA scientist ug usa ka ga study sa kasabutan sa kalibutan, ang atung mga kaugalingon sa sumusunod nga panahon.

Chrishia: Ah, kakita mo adtung salida nga “ THE MATRIX”? 

Zairra: OO pero spoiler alert!. Pero mga ka-tagay kaning mga impormasyon mahitungod sa “THE MATRIX” spoiler kini , busa kung wala pa ka kakita ani nga salida. Depende nalang gyud sa inyo kung magpadayun kamo sa pagpaminaw. Pero among ipasigarbo ang kani nga podcast kay chada kay paminawon.

Chrishia: Ang “THE MATRIX” kay nagsunod sa hacker nga si NEO nga pirmi siya gapangutana sa iyang palibut kung tinood ba gyud ang kalibutan. Unya, nabutyagan ni Neo nga ang kalibutan nga iyang nadak-an kay virtual lang, naa ra sulod sa kompyuter. Gibuhat kini para makontrol ang mga tawo.

Kryzel: Ngano man lugar nahitabo na?

Chrishia: Ang nahitabo kay gibutyag sa usa ka karakter sa salida nga, adtong niagin tuig na ang milabay, ang mga tawo nakamugna og Artipisyal nga Kaalam apan nawad-an sa kontrol niini.  Mao ilang gi-kontrol ang populasyon sa kalibutan pinaagi sa pag simulasyon sa kompyuter. Pero ang mga tao wala gyud kabalo nga naa lang sila sa usa ka simulasyon.

Zairra: Kamo unsay inyong maingon nga ang atung kalibutan kay usa ra ka simulasyon? Motoo mo? Kay kung ako pangutan-on , dili. Pero naa puy mga testimonya sa mga pipila ka tawo nga nakasinati anang gitawag nga glitches. Kamo? Sa inyong pagsabot mutoo mo aning Teoryang Simulasyon?

Chrishia: Para sa akoa dili jud ko mo tuo ana na teorya kay imahinasyon rana.

Kryzel: Og sa akoa pud opinyon raman na sa ka daghanan kung unsay gaka kita nila. Ug kung mag hatagan man sila og komento kung unsay gaka kita nila, ilaha ng poblema. Pero dili gyud ko mutuo. Imagina ra gyud ang imong kasakit og kaaligutgut kay game ra diay ang tanan. Ginoo ko, dili pwede!

Zairra: Ako pud. Dili pud ko motoo. Ang kasakitan nga akong nabatian karun dili joke joke lang. Pero move-on ta ani nga topic mga ka-tagay. Kay atuang sunod nga tukion nga bahandi kay ang mahitungod kay Walt Disney. Kaila ba mo kay Walt Disney, ka-tagay Chrishia ug Kryzel?

Kryzel: Syempre uy. Disneyland?

Chrishia: Oo. Disney nga salida katung mga kingkoy nga mga prenses-prenses. Sus, kung kabalo lang mo kung unsa nako kaganahan ang Cinderella sa una. Sege gyod ko ng gibalik-balik ug tan-aw.

Zairra: Ako man gihapon. Bisag karon. Ganahan gihapon kog tan-aw sa mga salida sa Disney. Hilabi na kanang nay Kanta-kanta. Pero dili salida sa Disney atoang tukion karun, kundili si Walt Disney gyod.

Chrishia: Kabalo ko ani nga teorya. Nga si Walt Disney kay gi-ice ug gibutang sa ilawom sa Disneyland?

Zairra: Sakto.

Kryzel: Sure uy? Murag sa ingles pa cryo-sleep lugar?

Chrishia: Oo. Ana ang teorista, diba namatay man si Walt Disney niadtong tuig 1967? Naa kono’y reporter nga misulod sa ospital kung asa ang patayng lawas ni Walt Disney ug kani nakita niya sulod sa us aka cylindrical nga sudlanan nga murag gi-ice ang iyahang tibook lawas.

Kryzel: Asa man sad nga ospital?

Chrishia: Sa St. Joseph nga ospital sa Burbank.

Kryzel: Bantog ra nga adtong 2013, gipasalida sa mga sinehan ang ‘Frozen’ og nay mga haka-haka mahitungod kay Walt Disney. Wala lang ko kabalo nga mahitungod diay kini sa iyahang na-ice nga lawas.

Zairra: Kahinomdom ko ana nga istorya. Pagkagawas sa ‘Frozen’, nay mga istorya nila nga ang title nga ‘Frozen’ kay ‘Frozen’ para dili mahibal-an sa mga tawo nga na-‘Frozen’ diay ang patayng lawas ni Walt Disney. Pero kani nga teorya kay gi-tuki na mismo sa pamilya ni Walt Disney og gilimod nila ang kini nga istorya. Ana pud ang ubang teorista, kung ang patayng lawas ni Walt Disney kay gi-ice gayod ug siya kay natulog lamang, ipamata ra ug tunawon ra daw ang ice kung grabe na ka-adbans ang teknolohiya para maayo siya sa iyang mga sakit-sakit.

Kryzel: Pero kung tinood man gyod kani. Astiga god. Mura kag ga time-travel pero nakatulog ka lang. Ako napod mag-share sa akong mga nahibaloan nga teorya nga murag bakak o dili no?

Ang akoang istorya kay mahintungod sa us aka pasilidad ng nag-ngalang CERN o Conseil Européen pour la Recherche Nucléaire o kung sa ingles, European Organization for Nuclear Research.

Zairra: Lisoda gyod i-pronounce.

Kryzel: Alang-alang kay French man. Ana ang mga tao nga ang CERN daw kay osa sa mga pasilidad sa kalibutan nga ga-ekspiremento para ablihan ang lawak sa imperno.

Chrishia: Taysa. Murag hadlok lagi na.

Kryzel: Teorya raman god kani mga ka-tagay. Ang mga teorya kay wala pa nanga aprobahan nga tinood ba gayod. Ang ubang mga teorya kay bakak ra gayod. Parehas sa CERN. Ang CERN kay ang pinakadako nga laboratory sa kalibutan nga gatuki ug Physics. Ang ubang teorya sa mga ta okay mahitungod sa mga Gods and Godesses nga ang CERN daw kay ga himo og mga eksperimento para matawag nila ang osa ka Goddess nga si Shiva. Pero basin naingon lang ni sa kadaghanan kay ang estatwa ni Shiva kay naa sa gawas sa CERN. Ambot lang gayod kung tinood ba kini nga ga teorya.

Zairra: Basin ga-eksperimento pud ang CERN og Time-travel?

Kryzel: Oo, sakto ka, ga-eksperimento pud daw sila og time-travel. Ana ang mga tao nga gatoo ani nga mga istorya, ang CERN kay gabuhat ug mga lakang para makontrol nila ang timeline sa nagkalaing mga panahon. Murag, kung gusto sila ng muadto sa panahon sa mga dinosaur mabuhat daw na nila kay naa man silay awtoridad. Pero kining tanan mga ka-tagay kay teorya lamang ha? Walay kasiguraduhan kung kani ba tinood, o binotbot lamang kini. Pero kung kamo akoang pangutan-on mga ka-tagay, kung kamo osa sa mga syentista sa CERN og naga-eksperimento gayod kamo ug time-travel, asa man kamong panahona gusto muadto?

Zairra: Ako kay sa future. Gusto nako mabal-an kung naa na kitay mga sakyanan nga galupad. Astig lang kayo huna-hunaon ang kaugmaon. Kung adbans na kita karon, unsa pa kaha ang future no?

Chrishia: Ako gusto ko mag time-travel sa panahon sa wala pako niya gipasakitan. Char!

Zairra: Hugot!

Chrishia: Dili bitaw. Gusto ko mubalik sa panahon nga wala pay polusyon sa atong palibot. Katong mga panahon nga simple pa kayo ang kinabuhi sa tanan. Gusto lang nako mahibal-an kung onsa ang kinabuhi sa unang panahon.

Kryzel: Ahh. Chada lagi na. Mag barot-saya dayon ta.

Zairra: Okay raman kaha mo nga walay selpon o internet?

Chrishia: Okay ra ko. Mubalik raman sad dayon god ta magkinaunsa man.

Zairra: Murag taas na atoang podcast karung adlawa no? Busa---

Kryzel: Og diha ra ta kutob ang atuang podcast karung adlawa mga ka-tagay. Hinaut nga anaa moy bag-ong mga nahibaloan mahitungod sa mga impormasyon sa kalibutan. Nag-enjoy gyud ako sa mga topic nato karung adlawa, unta kamo pud.

Zairra: Sa sunod na pud ng episode mga ka-tagay. Kini usab si Zairra S. Obial. Kamo pwede mag kontak sa ako sa akong Facebook og Instagram, I search lang akoang pangalan mg aka-tagay. Kung naa moy gusto nga topic nga gusto ninyo sunod nga istoryahan, i-message lang ko sa Facebook mga ka-tagay.

Chrishia: Kung gusto ninyo mahibaloan kung unsa man akoang ginabuhat, mga ka-tagay I search lang ang akoang pangalan, Chrishia Marise E.Estares sa facebook og sa Instagram. Naa usab kitay website https://navarosakryzel.wixsite.com/anythingundersol/ ug Facebook page Anything Under the Sun katung nay green nga profile picture. Kini nga website dunay mga chada ug maanyag nga mga impormasyon mahitungod sa atong kalibutan ug yutang kinaiyahan.

Kryzel: Ang akoang twitter account @ . Daghan gyud ta nahibaloan karung podcast natu nga episode . Unta sa sunod pud inyo kaming ubanan mga ka-tagay. Ug sa utro kini ang –

Zairra,Chrishia og Kryzel: Tagay Serye